Мал аж ахуйн өвөлжилт, шатахууны нийлүүлэлтийн талаар Засгийн газрын мэдээллийг сонсох нь зүйтэй гэж МАН-ын бүлэг үзлээ

УИХ дахь МАН-ын бүлгийн хуралдаанаар хэлэлцсэн асуудлын талаар мэдээлэл хийлээ.

Тус намын бүлгийн дарга Д.Тогтохсүрэн “Мал аж ахуйн өвөлжилтийн байдал, шатахууны хангамж нийлүүлэлт, махны нөөц экспорт, эрчим хүчний хангамж, өвлийн бэлтгэлийн талаар Засгийн газрын мэдээллийг сонсох нь зүйтэй гэж бүлэг үзлээ.

Тиймээс энэ долоо хоногийн Пүрэв гарагийн үдээс хойш Засгийн газрын мэдээллийг тусад нь авч үзэж, тухайн асуудлаар мэдээлэл сонсоно” хэмээв.