Монгол Улсын Их хурлын 2024 оны ээлжит сонгууль зохион байгуулахад хоёр тал хамтран:

Шударга өрсөлдөөн, хэрэглэгчийн төлөө газрын дарга С.Ням-Эрдэнэ холбогдох газрын дарга нарын хамт Харилцаа холбооны зохицуулах хорооны холбогдох удирдлагуудыг өнөөдөр /2024.01.19/ хүлээн авч уулзлаа.

Уулзалтаар Монгол Улсын Их хурлын 2024 оны ээлжит сонгууль зохион байгуулахад хоёр тал хамтран, харилцан уялдаатай ажиллах талаар санал солилцож чиглэлүүдээ тодорхойллоо.

Харилцаа холбооны зохицуулах хорооноос сонгуулийн хуулийг хэрэгжүүлэхэд хяналт тавих Шударга өрсөлдөөн, хэрэглэгчийн төлөө газрын улсын байцаагчдад тусгайлан сургалт хийх, хоёр тал хамтран хэвлэл мэдээллийн болон бусад байгууллагад сонгуулийн хууль, холбогдох дүрэм, журмын талаар сургалт, мэдээлэл хийхээр тохиролцлоо.

Мөн дээрх хууль, тогтоомжуудын хүрээнд хэвлэл мэдээллийн байгууллага, аж ахуйн нэгж, иргэд олон нийтэд хандсан сурталчилгааны ажлыг хамтран зохион байгуулахаар боллоо.