“Hongyan” загварын ачааны машины араас Приус мөргөж, жолооч нь нас барсан осол гарчээ

Баянзүрх дүүргийн 11 дүгээр хорооны нутаг дэвсгэр “Хонхор”-ын замд энэ оны гуравдугаар сарын 29-ний өглөө “Tоёота приус” маркийн автомашин замын зорчих хэсэг дээр зогсож байсан “Hongyan” маркийн ачааны автомашины араас мөргөж зорчигч гэмтэж, жолооч нас барсан харамсалтай осол гарчээ.

Одоогоор мөрдөн шалгах ажиллагаа явуулж байгаа талаар Цагдаагийн Ерөнхий Газраас мэдээлэв.

Иймд жолооч Та

• Тээврийн хэрэгслийн хурдыг замын нөхцөлд тохируулах;
• Хэт ядарсан үедээ жолоо барихгүй байх;
• Зайлшгүй зогсолт хийсэн тохиолдолд аюулгүй байдлыг хангаж, бусдад анхааруулах;
• Зорчих хэсгийг чөлөөлөх;
• Бусдад энэ талаар шаардлага тавьж, сэрэмжлүүлэх зэргээр болзошгүй эрсдэлээс сэргийлж, хамтран ажиллахыг цагдаагийн байгууллагаас хүсэв.