“Бэлтэс мөрөн“ ХХК-ийн шүүх хурал болно

Чингэлтэй дүүргийн прокурорын газраас яллах дүгнэлт үйлдэн шүүхэд шилжүүлсэн “Бэлтэс мөрөн” ХХК-д холбогдох хэргийн урьдчилсан хэлэлцүүлэг өнөөдөр /2024.04.18/ Хөвсгөл аймаг дахь сум дундын эрүүгийн хэргийн анхан шатны шүүхэд 11.30 цагт болно. Тус шүүхээс хэргийг өмнө нь 2023 оны 6 сард нэмэлт ажиллагаа хийлгэхээр прокурорт буцааж байсан бөгөөд Хөвсгөл аймаг дахь эрүү, иргэний хэргийн давж заалдах шатны шүүхээс 2023 оны 11 сард прокурорын эсэргүүцлийн дагуу хэргийг хянан хэлэлцэж, анхан шатны шүүхээр дахин хэлэлцүүлэхээр шийдвэрлэсэн. Мөн 2024 оны 2 сард Улсын дээд шүүхийн эрүүгийн хэргийн танхимын нийт шүүгчийн хуралдаанаар шүүгдэгч, тэдгээрийн өмгөөлөгч нараас гаргасан гомдлыг хяналтын шатны шүүх хуралдаанаар хэлэлцүүлэхээс татгалзсан тул ийнхүү Хөвсгөл аймаг дахь сум дундын эрүүгийн хэргийн анхан шатны шүүхээс хэргийг дахин хэлэлцэж байна.