![](https://timelive.mn/wp-content/uploads/2024/05/image-1-2024-05-13T111332.064-1.png)
Сүхбаатарын талбайн баруун талд байрлах “Төв шуудан”-гийн хана руу бие засаж, танхайрсан БНХАУ-ын иргэдэд цагдаагийн байгууллагаас торгох шийтгэл ногдуулсан талаар бид өмнө нь мэдээлсэн билээ.
Тэгвэл тус зөрчлийг гаргасан иргэд нь олон нийтийн газарт танхайрч, маргалдсан байдаг бөгөөд тус хэргийг өчигдөр буюу тавдугаар сарын 13-ны өдөр Сүхбаатар дүүргийн Эрүүгийн хэргийн анхан шатны шүүх хэлэлцээд Хятад улсын хоёр иргэнийг тус бүр 20 хоног баривчлах шийдвэрийг гаргажээ.
Зөрчлийн тухай хуулийн 5.2 дугаар зүйл.Танхайрах
1.Олон нийтийн газарт, эсхүл орон байранд:
1.1.хэрүүл маргаан үүсгэж;
1.2.бусдыг өдөөн хатгаж;
1.3.бусдын амгалан тайван байдал алдагдуулж;
1.4.олон нийтийг үл хүндэтгэж;
1.5.үйлчилгээний болон дарааллын журам зөрчиж биеэ авч явах нийтээр хүлээн зөвшөөрөгдсөн хэм хэмжээг зөрчсөн, эсхүл аж ахуйн нэгж, байгууллагын хэвийн үйл ажиллагааг алдагдуулсан бол хүнийг нэг зуун нэгжтэй тэнцэх хэмжээний төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна.
0 cэтгэгдэлтэй