Цас мөс хайлсны улмаас зам талбайд тогтсон 92 тонн усыг соруулав

Авто замын борооны болон хөрсний ус зайлуулах шугамын засвар ашиглалтын ажлын хүрээнд цас мөс хайлсны улмаас зам талбайд тогтсон 92 тонн усыг өчигдөр сорууллаа.

Тодруулбал нийт 16 албан хаагч ажиллаж,

• Баянгол дүүргийн 3 дугаар хороо, Нарны гүүрний урд автобусны буудал орчимд гурван рейсээр 18 тонн ус;
• Баянгол дүүргийн 11 дүгээр хороо, Хасбаатарын гудамжинд дөрвөн рейсээр 40 тонн ус;
• Баянзүрх дүүргийн 29 дүгээр хороо, Дарь-Эхийн замд таван рейсээр 34 тонн усыг тус тус соруулаад байна гэж Геодези, Усны Барилга Байгууламжийн Газраас мэдээлэв.