ГССҮТ: Осолд өртсөн хоёр хүүхэд “Хүүхдийн мэс засал“, “Толгойн мэс засал“-ын тасагт хэвтэн эмчлүүлж байна

Хайлаастын Өрхийн эмнэлгийн хажууд өчигдөр /2024.04.17/ Prius, Verna хоёр автомашин мөргөлдсөний улмаас замаар гарч явсан 16 настай охин осолд өртөж нас барсан бол 9-14 насны 6 хүүхэд, нэг том хүн гэмтсэн харамсалтай хэрэг гарсан.

Энэ талаар ГССҮТ-өөс тодруулахад “2024 оны 4 дүгээр сарын 17-ны өдөр гарсан авто ослын улмаас бэртэл гэмтэл авсан нийт зургаан иргэн (Нэг том хүн, таван хүүхэд) Гэмтэл согог судлалын үндэсний төвийн Яаралтай тусламжийн тасагт тусламж үйлчилгээ авсан байна.

Одоогийн байдлаар нэг том хүн, хоёр хүүхэд “Эрчимт эмчилгээний тасаг”-т хэвтэн эмчлүүлж байна. Мөн хоёр хүүхэд “Хүүхдийн мэс заслын тасаг”-т, нэг хүүхэд “Толгойн мэс заслын тасаг”-т хэвтэн эмчлүүлж байна. Эрүүл мэндийн байгууллагын зүгээс үйлчлүүлэгчдийн биеийн байдлыг тогтворжуулах, нарийн мэргэжлийн үзлэг оношлогоог хийсэн бөгөөд шаардлагатай тусламж үйлчилгээг цаг алдалгүй үзүүлж байна” гэлээ.