Олимпын мөнгөн медальтан Б.Баасанхүүд “Tara tower”-ийн хамт олны зүгээс амласан ёсоор 9,999,999 төгрөгийг гардуулжээ

“Парис-2024” зуны олимпын наадмын Эмэгтэйчүүдийн 48 кг-д 2024 оны Ази тивийн аварга, Душанбе Их дуулга тэмцээний аварга, Абу-Даби-2024 Дэлхийн аварга шалгаруулах тэмцээний алтан медальт, ШШГЕГ-ын Сүлд спорт хороо, Үндэсний шигшээ багийн тамирчин Б.Баасанхүү өрсөлдөж, мөнгөн медалийн эзэн болсон билээ.

“Парис-2024” зуны олимпын наадмаас мөнгөн медаль хүртсэн ОУХМ Б.Баасанхүүд ТАРА ТАУЭР төслийн хамт олноос баяр хүргэж 9,999,999 төгрөг бэлэглэж байгаагаа мэдэгдэж байсан юм. Тэгвэл тус төслийн хамт олон өнөөдөр амлалтаа биелүүлж, ОУХМ Б.Баасанхүүд мөнгөн шагналыг нь гардуулсан байна.