1° C
3402.39
timelive.mn
Энэ жил Улаанбаатар хотод 160 гаруй км авто замын засвар шинэчлэлийн ажил хийгдсэн. Иргэд хичээл сургууль эхэлж, нийслэлийн авто замын ачаалал нэмэгдсэн есдүгээр үед хотын ихэнх замуудыг хааж шинэчилж буйг эсэргүүцэж байсан бол сөрөг хүчин нийслэлийн АН-аас бродюрыг хэт өндөр үнээр худалдан авсан гэх шүүмжлэлийг ч гаргаж байв.
Тэгвэл өнгөрөгч шөнө Улаанбаатар хотод бороо, нойтон цас орны улмаас гудамж талбайд ус тогтож, мөн зарим авто зам эвдэрсэн гэрэл зураг олон нийтийн сүлжээнд нийтлэгдээд байгаа юм. Тодруулбал, “Худалдаа хөгжлийн банкны төв оффисын урд зам нь цөмрөөд хоёр автомашин эвдэрсэн” гэх тайлбартай гэрэл зураг нийтлэгдээд байна.
Харин энэ талаар НЗДТГ-аас “Дэлхийн банкны хөнгөлөлттэй зээлээр дулааны 2А магистраль, 2ф350 мм-ийн голчтой 0,95 хос.км шугамыг 2ф500 мм-ийн голчтой болгон өргөтгөн шинэчлэх ажлыг өнгөрсөн 7 дугаар сард эхлүүлсэн. Дээрх ажлыг гүйцэтгэгчээр “Рутан” ХХК ажиллаж байна. Дулааны шугамын ажлыг Улсын драмын театрын урд талбайгаас Монгол Улсын боловсролын их сургуулийн баруун талын зам хүртэл 950 метр талбайд хийнэ.
Өнөөдрийн байдлаар дулааны шугамын ажил Улсын драмын театраас “Сонгдо” эмнэлгийн баруун тал хүртэл, ХХБ-ны зүүн хойноос Боловсролын их сургуулийн баруун тал хүртэл хийгдээд байна. Үлдсэн хэсэг болох “Сонгдо” эмнэлгийн баруун талаас ХХБ-ны зүүн хойд Энхтайваны өргөн чөлөөний авто зам хүртэлх хэсэг шугамын ажил хийгдэж амжаагүй тул Улаанбаатар хотын Захирагчийн ажлын албанаас энэ жил нэмж авто зам, явган зам сэтлэх зөвшөөрөл өгөхгүй байхаар шийдвэр гаргасан юм. Гэвч “Рутан” ХХК нь 2024 оны аравдугаар сарын 19-ний өдөр Зоригийн гудамжны авто зам, ХХБ-ны зүүн талын авто замыг зөвшөөрөлгүй сэтлэн дулааны шугамын ажил гүйцэтгэснээс үүдэн авто замд эвдрэл үүсэж, зорчих хөдөлгөөнд саад учраад байна. Үүссэн асуудалтай холбогдуулан цагдаагийн байгууллагаас “Рутан” ХХК-д зөрчлийн тухай хуулиар арга хэмжээ авч, гаргасан зөрчлийг арилгуулна” гэж мэдэгдлээ,
1 сэтгэгдэлтэй
Jinx Manga Pretty! This has been a really wonderful post. Many thanks for providing these details.