2° C
3593.72
timelive.mn
Хөвсгөл аймагт 2 нас 5 сартай хүү есөн сарын 17-нд сураггүй алга болж найм хоног эрэн хайсны эцэст цогцсыг нь олсон. Сануулахад, хүүгийн ээж ууланд мод бэлтгэхээр явсан нөхөртөө хоол хүргэж өгөхөөр хоёр хүүхэдтэйгээ очсон байдаг. Тухайн үед өдрийн 15.00 цаг болж байсан бөгөөд хүүхдүүд унтаж байхад нь машинд үлдээгээд явжээ. “Хоолоо хүргээд буцаж ирэхдээ 20 орчим минутыг зарцуулсан, өмнө нь дүүгийнхээ дэргэд ганцаараа үлдэхдээ орхиж явж байгаагүй” талаар хүүгийн ээж хэвлэлд мэдээлсэн юм.
Эрэн хайх ажиллагаанд ойролцоох аймгуудаас сайн дурын хүмүүс, алба хаагчид, үнэрч нохойнууд оролцож, дулаан мэдрэгчтэй дрон бусад шаардлагатай техникийг ч ашигласан. Тэр үед эрлийн ажиллагааг гэр бүлийнхэн нь зогсоох хүсэлтийг Онцгой байдлынханд илэрхийлсэн ч дахин гурав хоног хайх болсон. Улмаар онцгой байдлын эмэгтэй албан хаагч, цагдаагийн алба хаагч залуу, хоёр эрэлч нохойн хамтаар хүүгийн цогцсыг алга болсон газраас 9 км зайнаас олсон. Хүүгийн нас барсан шалтгаан одоогоор тогтоогдоогүй. Энэ талаар цагдаагийн байгууллагаас “Хөвсгөл аймгийн цагдаагийн газар хэргийн мөрдөн шалгах ажиллагаа үргэлжилж байгаа. Мөн задлан шинжилгээг тус орон нутагт хийж буй. Нас барсан шалтгааныг тогтоох шинжилгээний хариу 21 хоногт гардаг” гэх мэдээллийг өгсөн байна.
0 cэтгэгдэлтэй